ياجاهلن بنات شمر ذيابه

بسم الله الرحمن الرحيم


ياجاهلـن" بنـات شمـر" ذيابـه
إحذر تهوب حولنـا يالسناعيـس

بنـات لشيـوخ عـز ومهـابـه
عدوهم خاسر وينـول المتاعيـس

لاتلتفـت وتثـور تـدور معابـه
شمر هل الطولات صفر المحاميس

حنا كما غيـث يمطـر سحابـه
وحنا بنات العز واهل النواميـس

لاتحسب إني اقول شـي دعابـه
والا تحسبه شعر واخطه بقراطيس

لا والله الا سيف وبحـدة نصابـه
نقطع به لسان الاعدا المناجيـس

"الشمري" بالجـود مفتـوح بابـه
والعز للاجواد مير إلعـن ابليـس

اعشق جبل شمر واعشق ترابـه
يامنوة اللي شب بقلبـه هواجيـس

اقولها عن "بنـات شمـر" نيابـه
حنا شرف وعز كـل السناعيـس

وسلااامتكم ....


قصيدة اجهل كاتبها ....... ولاكني ااكد ابداعه ..

ونعم ببنات شمر

صح لسان من قال ودام نزفك

سحليه بولند

حروفـك دائـما متميـزه

تتعبنـي في الـرد عليـها

فـ اجدنـي اكتب وامسـح

فـ قد لا يوفي كلامـي حـق احد حروفـكِ


كونـي ملكة الحـرف دوما

اختي سحلية




ونعم فيك ونعم بــَشمر .. ( ولا تحتاج لا لي ولا لغيري يشهد لها )



لكني اختــي ( الحرمه ماتشرف الا الرخمه ) والرجال هو الي يكون شرف لكل بنت ..



صح الواحد يتشرف بأمه ( لكن غيرها ماظني )



وهذا الي زعلني بالقصيده بالبيت الاخير ..

........................................
اقولها عن "بنـات شمـر" نيابـه
حنا شرف وعز كـل السناعيـس
......................................

بنـات لشيـوخ عـز ومهـابـه
عدوهم خاسر وينـول المتاعيـس


والنعـم ببنـآت شمـر والله


صـح لسـآنك خيتي



رووعـه


تقبلي مـروري

صح لساااانج ولسان قآيلها ملآيين


====


لي تعقيب على كلآم أخوي تاكسي ون

أولآ انت كذا عرفت بشخصيتك اللي لازم تكون سريه!!!!

بعدين..!

كيف الحرمه ماتشرف غير الرخمه...!!

هالحين منواللي يحمل شرف العايله انت ولا اختك....؟

وانت ماتنتخي باختك...ماتقول انا اخو فلانه...ماتتشرف وترفع راسك باختك وبنت عمك...؟؟

ومو عيب ان الرجال يتشرف بااخته... بلعكس يدل على حسن تربيته وتربيه اخته!!

أضرب لك مثال

أختك تزوجت واحد غريب مو من قبيلتك....قدر الله على هالزوج تحصل له ظروف

تقوم اختك تساعده باي شكل من الاشكال..تبيع ذهبها..تعطيه من حسابها

وماتسمح له يتدين لو حتى من اخوووة..ليه لانها زوجته اقرب له من روحه..؟

وتوقف مع زوجها بمحنته....بهذه الحاله وتصرف اختك مايشرفك ويشرفك قبيلتك كلها

زوجها الغريب مايقول والله وميه نعم بفلان عرف كيف يربي..؟

ولا انا غلطااااااانه



كان ودي استرسل بكلامي اكثر

لكن ماودي اقلب موضوع الاخت الى ساحه نقاش




مودتي

اولا .. انا راح ارد بالكــلام الي مقتنع فيه ( سواء شخصيتي الحقيقيه او بشخصية التاكسي ) ما تعودت اجامل احد ..

اقتباس:

المشاركة الأصلية كتبت بواسطة تاكسي ثري هالحين منواللي يحمل شرف العايله انت ولا اختك....؟

حنا مانتكلم بالشـرف ( بالي تظنين انتي ) .. لأن هذا شي بديهي إنه للمرأه

اقتباس:

المشاركة الأصلية كتبت بواسطة تاكسي ثري وانت ماتنتخي باختك...ماتقول انا اخو فلانه...ماتتشرف وترفع راسك باختك وبنت عمك...؟؟

اقتباس:

المشاركة الأصلية كتبت بواسطة تاكسي ثري ومو عيب ان الرجال يتشرف بااخته... بلعكس يدل على حسن تربيته وتربيه اخته!!

بوجهة نظري انها عيب .. ( شي مخجل ) إني اقول إني اجلس عند الرجال .. واقول اختي سوت وسوت ..

بدل ما افتخر بفعلي قدام الرجال ( افتخر بفعل حرمه )

اقتباس:

المشاركة الأصلية كتبت بواسطة تاكسي ثري أضرب لك مثال أختك تزوجت واحد غريب مو من قبيلتك....قدر الله على هالزوج تحصل له ظروف تقوم اختك تساعده باي شكل من الاشكال..تبيع ذهبها..تعطيه من حسابها وماتسمح له يتدين لو حتى من اخوووة..ليه لانها زوجته اقرب له من روحه..؟ وتوقف مع زوجها بمحنته....بهذه الحاله وتصرف اختك مايشرفك ويشرفك قبيلتك كلها

إلا والله يشرفني ونص .. بس ما أفتخر فيه قدام الناس


إلا يقول .. وبهذي الحاله .. ( مــا أكون أنا افتخرت في البنت ) .. يكون فعلها ( خلى الناس تفخر بتربيتي ) ..

اقتباس:

المشاركة الأصلية كتبت بواسطة تاكسي ثري ولا انا غلطااااااانه

ابدا موب غلــطانه .. ( باللي تقصدينه )

اقتباس:

المشاركة الأصلية كتبت بواسطة تاكسي ثري كان ودي استرسل بكلامي اكثر لكن ماودي اقلب موضوع الاخت الى ساحه نقاش

والله انتي ماقصرتي .. فتحتيه ( طبعا ماتتوقعين اني اقرأ ردك واسكت أكيد لازم أقرب وجهات النظر )


...



خواتي ..


وربـي إن البــنت أحترمها ..وأقدرها .. ( ولا عمري استنقصتها ) لأني اعرف دورها بالمجتمع ..


وفيه بنات يســوون قبايل ..والوحده عن ستين رجال ( مثل الي حكمت حايل )


..


لكن انا من وجهة نظري ( الشخص اذا بيفتخر عن الرجال ) مايفتخر باخته ولا يفتخر ببنت ( الواحد اذا ما فتخر بفعله ولا خله يلبس البرقع ويجلس عند خواته )


..


اختي ...


فيه جمله دائما نسمعها ( ليس الفتى من قال كان ابي بل الفتى من قال ها أنا ) فما بالك بواحد بيقول كانت اختي [/color]

اسيرة بلا قيود

تلك الكلمات ماهي الا وسام على صدري من شخصك الرائع

اكاد استل الستار عن قلمي لصعوبة مجارات ذوقك ..

لك مني كل الود والاحترام ..

تاكسي ون

اشكر تواجدك اولا

واحترم وجهة نظرك ثانيا ..

القصيده في مجملها كانت تحمل بين طياتها الفخر لبنات شمر خاصة

وافتخارهم بنسبهن وانتمائهن لهذه القبيله .. وبمجرد هذا الانتماء كان لكل فرد من هذه القبيله اعتزاز له بنفسه

اجبره ان يتباها بها ..

من انجبت وستنجب هائولاء الرجال يحق لها الفخر والتفاخر بها .. وهي شرف لكل من قال شمري

الشاعر /ه .. استحقت ماقالت وتستحق مانقول من ثناء ..

وكل بنات شمر .. لهم الحق بالفخر ..

لك كل الود