يا محمد

يامحمد غبت عنها اسبوع من بـاب التغلـي
ودي اعرف واكتشف عن حبها لي واختبرهـا

يامحمد سبعـة ايـام عجـاف ابـدون خلـي
شفت فيها الويل وعيوني ملازمهـا سهرهـا

سبعة ايام الكدر مـاراح عنـي مثـل ظلـي
شلت كل هموم خلق الله وعايش فـي كدرهـا

ادري ان الصبر مفتاح الفرج وبـه امتحلـي
مير هي عنها حرم باجماع كل الـي نظرهـا

رحـت ادور للتسلـي ويـن ابلقـاه التسلـي
اخرج من البيت والقى نفسي ابرم في قطرها

طفت شارع بيتهم ماغير مقبـل بـه مولـي
الشوارع مظلمـه والقـى بشارعهـم سفرهـا

ودي اسمع ذكرها لـو مـن عـذولا بالتبلـي
مو مهم الـي يقولـه والمهـم انـه ذكرهـا

شفت اخوها صدفة واقفى يرحب بعض كلـي
بعضى الثاني همس باذني تنشد عن خبرهـا

قمت اهلي به وانا خايـف لسانـي لايزلـي
شفت شعره في ثيابه قلت هذي مـن نثرهـا

وانكسف مني تبسـم لـي وناظرنـي بغلـي
قال توي كنت بالصالون والنـاس اشكثرهـا

قلت فعلا شفت هالصالـون بالنـاس امتملـي
والله انه يكذب الكـذاب وانـه مـن شعرهـا

اعرفه من ملمسه من ريحته من لونـه اللـي
مثل لون العود حمرة مـن سـواد يشتقرهـا

شلتها بالدس في جيبي وانا مااشفيـت غلـي
ودي استمتع بملمسهـا وريـح مـن زهرهـا

قمـت ودعتـه وليلتهـا عذابـي مستغـلـي
طول ليلي حاضن الشعره واناجي في صورها

سبعة ايام وانـا فـي داخلـي ربـط وحلـي
اعزم الفيها واهون خايـف اسبـب ضررهـا

بعد سابع يـوم مـن هـم بقلبـي مستحلـي
اتصل بي واحد ساكت ونفسي فـي ضجرهـا

قلت الو وش فيك ساكت رد ياجعلـك تغلـي
كني اسمع صوت ليمونـه بفمـه يعتصرهـا

واهمست وش سهرك للحين في وقت امتتلـي
قلت طيفك نعلبو جدك وضحكت من فخرهـا

واهمست هالحين اجي واخبرك عن دقي وجلي
قلت معقوله ؟! وقالت نار شوقـي ماقتدرهـا

جت وهي متخفيـه صبـح بليـل مستظلـي
كنها تحسب خطاها ميـر يفضحهـا عطرهـا

نفحهـا مسـك ونثـر انفاسهـا ورد وفلـي
المكان اللي تعدي منـه يبقـى فيـه اثرهـا

جت تبختـر ردف يتمايـل وردف يستقلـي
كنها ترقص على تكة خطاهـا مـن بطرهـا

عنجهية صدرها تفتـك بخصـر مضمحلـي
لاتثنت تنقسم نصيـن مـن خصـر بترهـا

قمت ماني في شعوري كـل مافينـي يهلـي
كنها المتفضله بانقـاذ روحـي مـن بحرهـا

ترتجف فـي قلبهـا خـوف تولاهـا تولـي
تنفض ايديها ويتقطـع نسمهـا مـن حذرهـا

كلما هز الهوى الشباك واحـدث فيـه خلـي
بسملت واتفززت تحضن يديها فـي صدرهـا

قالت انت اشفيك متغيب جفـا والا تخلـي ؟
قلـت لاهـذي ولاهـذي ولاحتـى قدرهـا

مير انا كثرت جياتـي وخفـت انـك تملـي
سلهمت بعيونها عضت عنبهـا مـن قهرهـا

واخبطت بكفوفها صـدري ودمعتهـا تهلـي
قالت اقسم لم برب البيت شوفتـك انتظرهـا

قلت اجل وش وخرك وانتي لعنوانـي تدلـي
لايكون انه جفا ؟ قالت حشى وارخت نظرهـا

انت تدري عن ظروفي حط نفسك في محلـي
بنت مثلي خارجه من بيت اهلها وش عذرهـا

لو قدرت اليوم اجي والقى عذر مقنع وحلـي
مامعي في كل يـوم حجـة لهلـي ابتكرهـا

جادل مـن نسـل شيـخ لايهـاب ولايذلـي
فاتنه واجمل بنات الكـون ماتسـوى ظفرهـا

وجه مثل الصبـح يتنفـس بنـور مستهلـي
والرموش الليل عسعس ليلة محلـى سمرهـا

طرفها في حد ذات الطـرف عالـم مستقلـي
به نهار وليل به بحر وسمـا داخـل حورهـا

جيدها الفتان نـورا مـن زجـاج مستجلـي
لو لمسه ابهامها بصمته تبقـى فـي بشرهـا

مـن شفافيـة جسدهـا والنعومـه والتجلـي
اي شي تشربه ينشاف نـازل مـن نحرهـا

ظامها شلال دهـن العـود بالجيـد امتدلـي
الوحيد اللي جبرهـا تنفعـل محـد جبرهـا

صـار يتمـرد يعذبهـا تلمـه ثـم تفـلـي
ثم ترجـع تلفحـه ويعـود مايسمـع لمرهـا

ابتسامتها وميـض البـرق فـي نـو مطلـي
والشفايف كنها قـوس قـزح لونـه غمرهـا

ضحكها معزوفة يطـرب لهـا قلـب يولـي
وامنياتي ماجنه ترقص علـي نغمـة وترهـا

ان حكت نفثا من السحـر الحـلال ولايحلـي
تستميل اقلوب من يسمع كـلام مـن دررهـا

لادنت منـي تبعثرنـي علـى غنـج ودلـي
وانصهر بانفاسها واحساسي المرهف صهرها

عينها مستسلمـه والرمـش طايـح مستذلـي
طاح طيحة فارس رمحـه بعدونـه كسرهـا

والله ان اللي ببالـك يامحمـد ماحصـل لـي
ذبت واروتني عفاف وكـل مافينـي شكرهـا

مامنعني غير طيب اصلي ولي قـدر امتعلـي
واللي ادهى من كذا خفت اني انزل من نظرها

قمت اودعها وانـا شوقـي يزيـد ولايقلـي
لحظة هدت فرح ساعـة وبالكـود افتكرهـا

اوجبت غسلا علـى عينـي بدمـع مسفهلـي
قبل تبلغ حلمهـا والرشـد واتمتـع بصرهـا

بعـد مـا عاهدتهـا بالله حرمـت التغـلـي
توبه اتغلى ونـار افراقهـا مقـوى سقرهـا


وسلامتكم

صح السانكـ..


وتسـلم يمينك ..




تقبل مروري وخالص شكري ..




دمت بخير ..

صح ابدنك

ويسلمووووووووووو

على

المروووووووور

منوووووووووووووووووووووووور

واخبطت بكفوفها صـدري ودمعتهـا تهلـي
قالت اقسم لم برب البيت شوفتـك انتظرهـا



راااااااااااااااااااااااااااااائعه,,,
وربي ذوووووووووووووووووووووووووووق,,,
يعطيك العافيه يالغلا,,,

الذووووووووووووووق
انتي

خيووووووووووووووووله

والله يعاااااافيج

ومشكوووووووووووره يا الغلا

على
المروووووووووووور

الغاووووووووووووي